Bharatvakya - Swaradhish Dr. Bharat Balvalli Marathi Edition

डॉ. भरत बलवल्ली यांच्या स्वरांची आणि आयुष्याची ओळख करून घेण्यापासून ते स्वरांची शरणागती पत्करून संगीत आणि अध्यात्म यांच्या मधला दुवा प्रस्थापित करून जगातल्या गानरसिकांना एका अलौकिक आनंदाची अनुभूती करून देणाऱ्या एका स्वराधीशाचे साररूपातले हे आत्मकथन आहे. कलाक्षेत्रात रममाण होताना कमी वयातच एका वेगळ्या उंचीवर पोहोचलेल्या भरतजींनी त्यांच्या संगीत तपश्चर्येतून राष्ट्र निर्माणाचे जे कार्य सुरू ठेवले आहे ते आजच्या तरुण पिढीतल्या कलाकारांसाठी एक खूप मोठी प्रेरणा आहे. त्यांच्या या जीवन प्रवासातील अनुभव हे सर्वांना अत्यंत मार्गदर्शक आणि शिखरावर पोहोचण्याचे सामर्थ्य देणारे आहेत.

या पुस्तकात त्यांचे प्रखर सांगीतिक सिद्धांत, आध्यात्मिक तत्त्वे आणि सामाजिक कार्यांचे आत्मकथन असून त्याचे शब्दांकन आणि संपादन हे सुप्रसिद्ध नट आणि पटकथा लेखक श्री. प्रविण विठ्ठल तरडे यांनी केले आहे.