Navya Vicharancha Dinvishesh by Mrunalini Kulkarni

सन २०२२ या वर्षात 'प्रहार' या मराठी वृत्तपत्रात छापून आलेल्यातील फक्त २७ दिनविशेषांवरचे हे पुस्तक आहे. 'व्यक्तिविशेष' या विभागात स्वामी विवेकानंद, छत्रपती शिवाजी महाराज, स्वातंत्र्यवीर वि. दा. सावरकर, रवींद्रनाथ टागोर, महात्मा जोतिबा फुले, डॉ. बाबासाहेब आंबेडकर ही सारी जागतिक स्तरावर त्यांच्या विचार आणि कार्यामुळे प्रसिद्ध असलेली भारतीय व्यक्तिमत्त्वे भेटतात ! त्यांची ओळख करून देताना मुख्यत्वे त्यांचे विचार आणि त्यांच्या आयुष्यात घडलेल्या घटना सांगितल्या आहेत. त्यांच्या विचारातून आपला दृष्टिकोन आणि दृष्टिकोनातून आपले आयुष्य बदलते.

'दिनविशेष' आणि 'सणसमारंभ' या विभागांत लेखिकेने आपली संस्कृती जपत प्रत्येक दिनामागचे या आंतरिक सौंदर्य, सामर्थ्य आणि त्यामागचा इतिहास सांगत नव्या युगाशी सांगड घातली आहे.